अनुहार चम्काउने ८ अचुक फर्मुलाहरु यस्ता छन्

हरेक मानिसहरुको चिनारी भनेकै उनिहरुको आ-आफ्नो अनुहार नै हो । यहि अनुहारले नै प्रत्यक ब्यक्तिहरुको ब्यक्तित्व झल्काउने गर्दछ।

 

यदि कुनै मान्छेको अनुहार चम्किलो छ भने उस तर्फ जानेर होस् या अन्जानमै होस्, हामी आकर्षित हुन पुग्छौ।

 

 

तसर्थ कुनै पनि मानिसको सबै भन्दा पहिले ब्यक्तित्व दर्साउने भनेकै उसको अनुहार हो । अझ त्यसमा पनि चमक भईदियो भने त सुनमा सुगन्ध नै हुन्छ। 

 

अब जानै अनुहार चम्किलो बनाउने केहि उपाएहरु ।

अनुहारमा चमक ल्याउन अचुक मानिएका केहि ८ फर्मुलाहरु यस प्रकारका छन्:

१) मुखमा हावा भरेर राख्ने र केहि समयपछि छोड्ने । दैनिक रुपमा मुखमा हावा भर्दै छाड्दै गर्यो भने छाला चाउरी पर्नबाट जोगीन्छ र अनुहारमा चमक पनि आउँछ।

 

२) माथिल्लो ओठलाई तल्लो ओठको साहायताले धकेलेर नाक सम्म पुर्याउने र १० सेकेण्डसम्म यस्तै अवस्थामा राख्ने । यो विधि वा कसरत दैनिक १० पटक सम्म गरिरहने हो भने अनुहारमा चमक थपिदै जानेछ।

 

३) मुखलाई जति सक्नुहुन्छ आँ गर्नुहोस् र केहि समय खुल्लै राख्नुहोस् । फेरि बिच-बिचमा आराम पनि गर्नुहोस । यस्तो प्रकृया दिनमा ५ देखि ६ पटक सम्म गरिरहने हो भने अनुहारमा चमक आउन सुरु गर्दछ।

 

४) टाउकोलाई केहि झुकाउने र थोरै माथितिर हेर्ने, त्यस पछि मुखमा हावा भरेर विस्तारै छाड्ने हो भने अनुहारमा भएका धर्साहरु हराउन थाल्नेछन्।

 

५) मुख बन्द गरेर माथिल्लो ओँठमा हावा भर्नुहोस् र ३० देखि ५० सेकेण्डसम्म यत्तिकै बस्नुहोस । हावालाई पालैपालो दायाँ र बाँया गालामा लगेर केहि बेर सम्म राख्नुहोस् । दैनिक रुपमा १० देखि १५ मिनेट सम्म यसो गर्नाले अनुहारमा चमक देखिनेछ।

 

६) दुबै आँखीभौंको मुनी र माथि बुढि र चोर औंला राखेर केहि बेरसम्म मसाज गर्ने । यस्तो बिधि दैनिक रुपले गर्दा छाला चाउरी पर्ने समस्या हुदैन र अनुहारमा चमक समेत आउछ।

 

७) मुख माछाको जस्तो चुच्चो पार्ने र हाँस्ने, यो बिधि प्रत्यक पटक १० देखि १५ सेकेण्ड सम्म गर्ने । यस्तो कसरत दिनमा ५ देखि ६ पटक सम्म गर्ने हो भने अनुहारमा चमक थपिदै जानेछ।

 

८) सुरुमा गहिरो स्वाँस लिने अनि छोड्ने । मुखबाट जिब्रा समेत बाहिर निकालेर चिच्याउने अभ्यास गर्ने हो भने, अनुहार र यस वरिपरीका भागहरु तन्दुरुस्त हुनुका साथै चमक पनि आउने गर्दछ।